Ekki íbúum bæjarfélagsins bjóðandi

Gert hefur verið samkomulag milli fyrirtækisins Skinnfisks í Sandgerði og heilbrigðiseftirlitsins þess efnis að allri móttöku og geymslu á slógi verði hætt. Þetta kom fram á fundi heilbrigðisfulltra með bæjaryfirvöldum nú fyrir helgi þar sem rædd var mikil og almenn ónægja meðal íbúa bæjarins vegna umhverfis- og loftmengunar frá fyrirtækinu.

Um það bil þrjár vikur tekur að tæma og loka tönkum fyrirtækisins og verður það gert undir eftirliti HES þegar vindur stendur á haf út, segir í fundargerð. Þar kemur einnig fram að bæjarráð Sandgerðisbæjar hafi falið HES að fylgja málinu vel eftir enda sé "núverandi ástand ekki íbúum bæjarfélagsins bjóðandi."