Ekki farið með bifreið í skoðun í fjögur ár

Dagvakt lögreglunnar í Keflavík var róleg, tveir ökumenn voru stöðvaðir vegna hraðaksturs á Reykjanesbraut. Annar mældist á 115 km hraða þar sem hámarkshraði er 90 km/klst. Hinn ökumaðurinn mældist á 103 km hraða þar sem hámarkshraði er 70 km/klst.

Á næturvaktinni aðfararnótt miðvikudagsins voru skráningarnúmer tekin af tveimur ökutækjum.  Í öðru tilvikinu hafið eigandi bifreiðarinnar ekki farið með hana í skoðun í fjögur ár.  Eigendur átta ökutækja voru boðaðir með bifreiðar sínar í skoðun þar sem þeir höfðu ekki mætt með þær til aðalskoðunar á réttum tíma.

Vf-mynd úr safni