Ekki búið að blása þrettándabrennur af

Ekki hefur ennþá verið tekin ákvörðun um það hvort þrettándabrennum verði aflýst. Að sögn Sigmundar Eyþórssonar, slökkviliðsstjóra Brunavarna Suðurnesja, verður veðurspá skoðuð frekar þegar líður á daginn, en horfur fyrir kvöldið eru slæmar.

Sunnan 15-20 m/s, en suðaustan 18-23 í kvöld. Rigning og hiti 0 til 5 stig. Vestan 10-15 og snjókoma í nótt, en suðlægari og él á morgun. Hiti í kringum frostmark.

Víkurfréttir fylgjast vel með brennuveðri og flytja fréttir af því í dag hvort brennur verði á Suðurnesjum eða ekki.