EKKI ÁLVER Á KEILISNESI

Álver er ekki inn í myndinni á Keilisnesi. Þetta kom fram á fundi aðila frá Iðnaðarráðuneytinu, fulltrúum Markaðs- og atvinnumálaskrifstofu Reykjanesbæjar og MÍL. Jón Gunnarsson fráfarandi oddviti Vatnsleysustrandarhrepps segir í minnisblaði sínu til sveitarstjórnar hreppsins að það hafi komið greinilega fram að stjórnvöld einblína á álver á Reyðarfirði og Keilisnes sé ekki inn í myndinni. Hreppsnefnd Vatnsleysustrandarhepps hefur ákveðið að senda 2ja til 3ja manna sendinefnd til Noregs til viðræðna við Norsk-Hydro auk þess að ræða málið við þingmenn svæðisins.