Ekki æskilegt að börn mæti í limmósínu á skóladansleik

FFGÍR, regnhlífarsamtök foreldrafélaga grunnskólanna í Reykjanesbæ, vill minna foreldra á að það er ekki æskilegt að börn þeirra fari með limmósínu á Vina og paraball Fjörheima fyrir nemendur í grunnskólum Reykjanesbæjar. Ballið verður haldið í Top of the Rock á Ásbrú næsta föstudag.

Í tilkynningu frá FFGÍR segir að félagið fengið ábendingar og frétt af hópi sem undirbýr akstur með limmósínu á ballið. Við hvetjum foreldra til að grípa inní ef slíkur undirbúningur er í vinahópnum.

Fjörheimar bjóða strætóakstur frá öllum skólum og skutla heim að balli loknu kl.23.