Ekið á hurð í verslun Sparkaupa

Í gærkvöldi var ekið á hurð verslunarinnar Sparkaup við Hringbraut í Keflavík. Litlar skemmdir urðu á hurðinni og enginn slasaðist við ákeyrsluna. Ekki kemur fram í dagbók lögreglunnar hvernig áreksturinn atvikaðist.

Annars var rólegt á næturvaktinni utan þess að lögreglumenn tóku skráningarnúmer af þremur bifreiðum vegna vanræklsu á greiðslu trygginga.