Eitt sjálfsvíg framið á viku!

Kiwanisklúbbar á Ægissvæði afhentu sl. fimmtudag Lífsvísir - vörn gegn sjálfsvígum en verkefnið er unnið í samstarfi við Landlækni og sr. Ólaf Odd Jónsson sóknarprest í Keflavíkurkirkju. Við afhendingu Lífsvísisins kom fram að árið 2000 hafi 51 einstaklingur framið sjálsfvíg og bráðabirgaðtölur fyrir tvö síðustu ár segi sömu sögu. Það gerir um eitt sjálfsvíg á viku á Íslandi.Lífsvísir er bókamerki og verður því dreift um allt land í samstarfi við Landlæknisembættið og fagaðila. Verkefnið varð til í framhaldi af setningu umdæmisþings Kiwanis í Reykjanesbæ árið 200 og hefur Guðbjartur Greipsson úr Brú leitt verkefnið sem unnið var í samvinnu við fagaðila.

Salbjörg Bjarnadóttir forvarnafulltrúi Landlæknisembættisins hefur veitt faglega ráðgjöf og styrktaraðilar eru Sparisjóðurinn í Keflavík, Hafnarfirði og Kópavogi. Bragi Einarsson grafrískur hönnuður í Keflavík hannaði bókamerkið.

Myndin: Séra Ólafur Oddur tók við þakklæti frá Gylfa Ingvarssyni, fráfarandi svæðisstjóra Ægissvæðis.