Einn kraftmikill aust-norðaustur af Fagradalsfjalli
Stærsti jarðskjálftinn til þessa þennan sólarhringinn varð nú í kvöld kl. 22:31 þegar skjálfti af stærðinni M4,3 varð 1,8 km. aust-norðaustur af Fagradalsfjalli. Fjórum mínútum áður varð skjálfti upp á M3,3 á sömu slóðum.
Athygli vekur að stærstu skjálftarnir síðdegis og í kvöld hafa allir orðið aust-norðaustur af Fagradalsfjalli en sunnudagsskjálftarnir voru flestir suður af fjallinu.
