Einn gisti fangageymslur

Nokkur erill var á næturvakt lögreglunnar í Keflavík og gisti einn fangageymslur í nótt. Þá voru höfð afskipti af tveimur ungmennum sem voru með áfengi undir höndum. Var áfengið gert upptækt og aðstandendur ungmennanna látnir vita, ungmennin voru svo sótt á lögreglustöðina.

Í gærdag var lögreglan kvödd að íbúðarhúsi við Þórustíg í Njarðvík þar sem brotist hafði verið inn og rafmagnstækjum og ýmsum hlutum stolið. Húsráðandi segir að innbrotið hafi átt sér stað á föstudagsmorgun milli kl. 07:00 – 10:00. Ekki er vitað hverjir voru að verki.