Einmuna veðurblíða gladdi hátíðargesti á Garðskaga

Einmuna veðurblíða hefur glatt gesti á Sólseturshátíðinni á Garðskaga nú um helgina. Fyrstu gestirnir byrjuðu að koma sér fyrir á hátíðarsvæðinu á fimmtudaginn og síðan þá hefur veðrið leikið við gesti á Garðskaga. Nú er skýjað  en milt veður á Garðskaga. Í gær, laugardag var glampandi sól og hiti og hægur andvari. Varla var hægt að segja að fánar hafi náð að blakta á svæðinu.

Gestirnir sungu við varðeld seint í gærkvöldi á meðan aðrir fóru niður í fjöru og gengu í fjöruborðinu eða óðu í tjarnsléttum sjónum.



Víkurfréttamyndir: Hilmar Bragi Bárðarson