Ein foktilkynning borist lögreglu
Veðrið er slæmt um þessar mundir á suðvesturhorni landsins. Á Suðurnesjum hefur verið mikið rok frá því seinni partinn í dag, en samkvæmt upplýsingum frá lögreglunni í Keflavík hefur ein tilkynning borist um að þakplötur væru að fjúka í bænum. Veðurstofan varar við stormi (meira en 20 m/s.) víða um land fram á nótt. Suðaustanátt, víða 18-25 m/s., og súld eða rigning, en þurrt að mestu norðaustantil. Dregur smám saman úr vindi í nótt og í fyrramálið, sunnan 5-13 seint á morgun. Skúrir sunnan- og vestanlands en léttir heldur til norðaustanlands. Hiti yfirleitt á bilinu 2-9 stig.
Kl. 18 var suðaustanátt, víða á bilinu 18-25 m/s. suðvestantil, annars nokkuð hægari. Skýjað með köflum og þurrt á Norðurlandi en annars rigning eða skúrir. Hiti víðast 4-9 stig.
Kl. 18 var suðaustanátt, víða á bilinu 18-25 m/s. suðvestantil, annars nokkuð hægari. Skýjað með köflum og þurrt á Norðurlandi en annars rigning eða skúrir. Hiti víðast 4-9 stig.
