Eastwood og Spielberg taka upp mynd á Reykjanesi

Clint Eastwood og Steven Spielberg eru væntanlegir hingað til lands til að framleiða stórmynd byggða á bókinni Flags of our Fathers á Reykjanesi. Eastwood fer fram á fábreyttan gististað meðan á dvölinni stendur helst í Reykjanesbæ eða Hafnarfirði.

Þeir Spielberg og Eastwood eru væntanlegir hingað þann 21. júní næstkomandi og verða að öllum líkindum til enda sumars. Tökur verða að mestu leyti á Arnarfelli í Krísuvík. Innitökur fara fram í myndveri Latabæjar. Myndin fjallar um árás Bandaríkjamanna á eyjuna, Iwo Jima í Japan.

Um 450 manns munu fylgja tilvonandi Íslandsvinunum hingað og þegar er hafið samstarf við Reykjanesbæ og Hafnarfjarðarbæ.