Drengurinn var frá Sviss

Í gær sögðu Víkurfréttir frá því að 14 ára drengur hafi látist í Bláa Lóninu. Drengurinn reyndist vera Svisslendingur og var flogaveikur, en ekki er vitað hvort það hafi verið orsök þess að hann drukknaði.

Baðgestir fundu drenginn á botni lónsins þar sem hann lá meðvitundarlaus og þrátt fyrir skjót viðbrögð gesta og starfsmanna sem hófu strax lífgunartilraunir komst hann aldrei til meðvitundar.
VF-mynd/Atli Már Gylfason