Dregur úr vindi í dag

Draga mun úr vindi og úrkomu þegar líður á daginn en í morgun gerði veðurspá fyrir Faxaflóasvæðið ráð fyrir suðaustan 18-23 m/s og talsverð rigningu í fyrstu.  Vindur snýst í suðvestan 8-13 og rigningu með köflum í dag og á morgun. Hiti 2 til 7 stig.

Veðurhorfur á höfuðborgarsvæðinu:

Suðaustan 13-18 m/s og rigning, en hægara og úrkomuminna upp úr hádegi. Suðvestan 8-13 og dálítil væta á morgun. Hiti 4 til 9 stig í dag, en 2 til 6 á morgun.

Veðurhorfur á landinu næstu daga:

Á þriðjudag:
Suðvestan 8-13 m/s og víða dálítil slydda eða rigning, en úrkomulítið N-til. Hiti 0 til 5 stig, en vægt frost í innsveitum.

Á miðvikudag:
Vestlæg átt, 3-8 m/s og skýjað með köflum, en dálítil él NA-lands. Frost víða 0 til 5 stig, en hiti 1 til 5 stig við S- og V-ströndina.

Á fimmtudag, föstudag, laugardag og sunnudag:
Fremur hæg breytileg átt og stöku él. Frost 0 til 10 stig, kaldast í innsveitum.