Dregur úr vindi á morgun

Klukkan 8 í morgun voru NNA 19 metrar á Garðskagavita, hiti 2,7 stig

Klukkan 6 í morgun var norðlæg átt á landinu, víða 10-18 m/s. Snjókoma eða él, en skýjað og þurrt sunnantil. Hiti frá 5 stigum niður í 2 stiga frost, mildast á Suðausturlandi.

Veðurhorfur við Faxaflóa næsta sólarhringinn:
Norðlæg átt, 13-18 m/s, en heldur hvassara á sunnanverðu Snæfellsnesi. Dregur úr vindi á morgun. Skýjað að mestu og sums staðar dálítil él, einkum norðantil. Hiti 0 til 6 stig.

Viðvörun !
Búist er við stormi á Faxaflóamiðum, Breiðafjarðarmiðum, Norðvesturmiðum, Norðausturmiðum og Norðurdjúpi Viðvörun gerð 23.05.2006 kl. 05:34

Veðurhorfur á landinu til kl. 18 á morgun: Norðan 13-20 m/s, en lægir heldur austantil eftir hádegi. Snjókoma eða slydda um landið norðaustanvert, él norðvestan- og vestanlands, en yfirleitt þurrt syðra. Dregur smám saman úr vindi í nótt og á morgun, víða 8-13 m/s síðdegis á morgun og úrkomuminna. Hiti 1 til 9 stig að deginum, mildast sunnanlands.