Dregur úr úrkomu og vindi með kvöldinu

Klukkan 06:00 í morgun var suðlæg átt, víða 8-13 m/s og skýjað að mestu, en hvassara og sums staðar rigning eða súld suðvestanlands. Svalast var 4ra stiga hiti í Skaftafelli, en hlýjast 15 stig á Sauðanesvita.

Við Hvarf er 982ja mb lægð, sem hreyfist norðaustur og önnur 993ja mb lægð langt suðvestur í hafi, hreyfist einnig norðaustur.

Veðurhorfur á landinu til kl. 18 á morgun:
Suðlæg átt, víða 10-15 m/s og rigning eða súld, en hægara og úrkomulítið á Norður- og Austurlandi. Vestlægari með kvöldinu og dregur heldur úr vindi og úrkomu. Vestlæg átt, 3-8 m/s og skýjað á morgun, en sums staðar súld úti við norður- og vesturströdina. Hlýnandi veður og hiti 9 til 14 stig síðdegis, en sums staðar hlýrra norðaustan til.