Domino's Pizza til Reykjanesbæjar í sumar

Domino’s Pizza mun opna á Hafnargötunni í Reykjanesbæ síðla sumars.

Þórarinn Ævarsson, framkvæmdastjóri Dominos, sagði í samtali við Víkurfréttir í dag að þetta hafi staðið til lengi og hafi verið áhugi fyrir þessu síðan 1993. „Við höfum verið að fá tölvupóst frá sorphirðumönnum í Reykjanesbæ sem hafa sagt okkur að ótrúlega mikið af pizzukössum frá okkur hafa ratað til þeirra“.

Domino’s Pizza mun opna á „rúntinum“ nánar tiltekið á Aðalstöðinni. „Aðalstöðin verður tekin í gegn og allt endurnýjað og það stendur til að byggja við húsið“.

Þórarinn gat ekki sagt nákvæmlega hvenær staðurinn myndi opna en vonaðist til að það yrði fyrir verslunarmannahelgi. „Við ætlum að gera þetta eins vel og við mögulega getum og hlökkum til að koma í Reykjanesbæ“ sagði Þórarinn að lokum.