Dæmdur fyrir að slá sambýliskonu

Ljósmyndarar Víkurfrétta eru jafnan stoltir af sínum verkum, en síðustu misseri hefur orðið vart við að fleiri renni hýru auga til þeirra. Margt skrítið og skringilegt hefur ratað fram fyrir linsuna og lent á vefsíðu Víkurfrétta, og þaðan verið „fengið að láni“ út um víðan völl.

Síðasta dæmið um slíkt er mynd af fimm körfuknattleiksstúlkum sem settu upp sparisvipinn í leik Keflavíkur og Breiðabliks fyrir nokkru.
Eftir að hafa velkst um netheima í nokkurn tíma dúkkaði hún upp á vefsíðu breska blaðsins The Sun í hópi skemmtilegra, eða vandræðalegra íþróttamynda hvaðanæva af úr heiminum. Ekki var haft samband við Víkurfréttir áður en myndin var birt og má þá með réttu kalla þetta þjófnað og agalegt brot á höfundarréttarlögum. VF mun hins vegar leyfa Sun að eiga hana í þetta skiptið, en það er eins gott að það endurtaki sig ekki.

Heimurinn er lítill og netheimurinn er víst ennþá minni og spurning hvort stúlkurnar hafi átt von á að verða svona frægar…