BYSSUMAÐUR HANDTEKINN

Ungur maður úr Vogunum var handtekinn á aðfaranótt laugardags þegar hann hótaði fólki með loftskambyssu úr plasti. Félagar mannsins hringdu þegar lögreglan var á leið á staðinn og sögðu að þeir væru búnir að afvopna hann og yfirbuga. Maðurinn var handtekinn og færður í fangageymslu lögreglu þar sem slík vopn eru ólögleg og geta verið mjög skaðleg, jafnvel lífshættuleg. Pilturinn, sem er 17 ára gamall, var látinn laus skömmu síðar þegar faðir hans kom og sótti hann.