Byrjar að rigna í kvöld

Klukkan 6 var suðvestlæg átt, víða 3-8 m/s. Skýjað með köflum við suðurströndina, en annars léttskýjað. Hiti var 5 til 11 stig.

Veðurhorfur á landinu til kl. 18 á morgun:
Hægt vaxandi suðaustanátt og þykkar upp sunnan- og vestanlands, 8-15 m/s og rigning seint í dag, en mun hægari og bjartviðri norðan- og austanlands. Suðaustan 5-13 á morgun, rigning eða súld sunnan- og vestanlands en annars úrkomulaust að kalla. Hiti 15 til 20 stig norðaustan- og austanlands að deginum, en annars 10 til 15.