Byrjaðir að toga í skipið

Varðskip reynir þessa stundina að toga fjölveiðiskipið Sóleyju Sigurjóns GK af strandstað við innsiglinguna í Sandgerði. Skipið tók niðri snemma í morgun. Lítil hætta var á ferðum en til öryggis var hluti áhafnarinnar fluttur í land með björgunarbátum Slysavarnafélagsins Landsbjargar.

Skipið er vel skorðað en það hallar um 35 gráður á strandstaðnum.