Byggja ráðstefnuhótel og safnaðarheimili að Útskálum

Miklar jarðvegsframkvæmdir standa nú yfir við Útskála. Þar er verið að undirbúa jarðveginn fyrir byggingu safnaðarheimilis og ráðstefnuhótels. Safnaðarheimilið verður í um 800 fermetra byggingu samtengt 50 herbergja ráðstefnuhóteli sem Útskálatún ehf. byggir. Í hótelinu og safnaðarheimilinu verða salir sem rúma allt að 500 manns og aðstaða fyrir fundi og ráðstefnur, auk aðstöðu fyrir veislur og samkomur tengdar kirkjulegum viðburðum. Nú er verið að ljúka við teikningar af byggingunum og fjármögnun verkefnisins. Í Garðinum gefa menn sér rúmt ár til að ljúka framkvæmdum á svæðinu.


Víkurfréttamynd: Hilmar Bragi Bárðarson