Byggingakrani kominn á Miðnestorg

Framkvæmdir ganga vel við Miðnestorg í Sandgerði þar sem nýr miðbær mun rísa eftir um eitt ár. Undanfarnar vikur hefur verið unnið að jarðvegsvinnu á svæðinu, en nú hefur verið fluttir byggingakrani á svæðið sem bendir til að framkvæmdir við byggingarnar hefjist innan skamms. Framkvæmdin er á vegum  Sandgerðisbæjar, Miðnestorgs ehf og Búmanna,  en aðalverktaki er Húsagerðin ehf.   Um er að ræð 3ja hæða byggingu, alls um 3.200 fermetra.  Í húsinu verður bókasafn, bæjarskrifstofur, þjónustustarfsemi og miðjukjarni með þjónustueldhúsi og íbúðum.
Gengið verður frá lóð með malbikuðum bílastæðum.  Á lóðinni er gert ráð fyrir fjölskyldugarði og tjörn.

Myndin: Frá frá framkvæmdum við Miðnestorg í Sandgerði. VF-ljósmynd/Jóhannes Kr. Kristjánsson.