Búið að stika gönguleið að eldgosinu
Félagar Björgunarsveitarinnar Þorbjörn settu upp og stikuðu nýja gönguleið að gosinu í gærkvöldi en hún er um sjö kílómetrar.
Í færslu Björgunarsveitarinnar á Facebook kemur fram að leiðin sé einföld en hún hefst við gönguleið A og má finna nýjar, stórar stikur með gráu endurskini á Stórhól og að eldgosinu. Stórhóll er á austanverðu Fagradalsfjalli, rétt vestur af Nátthagaskarði.
Björgunarsveitin minnir alla þá sem ætla að heimsækja gosstöðvarnar að vanda hvar þeir leggja bílum.
