Búið að ráða í helstu hlutverk í mynd Clint Eastwoods

Búið er að ráða í flest hlutverk myndarinnar Flags of Our Fathers sem tekin verður upp í Sandvík og Krísuvík seinna í sumar.

Leikararnir Ryan Phillippe, sem er þekktastur fyrir að leika í myndinni I Know What You Did Last Summer árið 1997, myndinni Cruel Intentions árið 1999 og í myndinni Crash á síðasta ári ásamt Sandra Bullock, kemur til með að leika hlutverk John Bradley. Philippe er kvæntur leikkonunni Reese Witherspoon og þau eiga tvö börn. Adam Beach fer með hlutverk Ira Hayes.

Auk þeirra er búið að ráða fjölmarga héðan til að fara með aukahlutverk í myndinni. Þar á meðal hafa þó nokkrir Suðurnesjamenn verið valdir til að leika hermenn í myndinni.