Brunað yfir á rauðu ljósi

Það er alltof algengt að ökumenn aki yfir á rauðu ljósi í Reykjanesbæ. Það getur hins vegar verið dýrkeypt ef viðkomandi lenda í klóm lögreglunnar og ekki síður ef menn valda tjóni með athæfi sínu.Ökumaður þessarar flutningabifreiðar brunaði yfir á rauðu ljósi á mótum Hringbrautar og Skólavegar í morgun á sama tíma og fjölmörg börn voru á leið til skóla. Hann má teljast heppinn að ekki var umferð sem átti réttinn af Skólavegi eða skólabörn á leið yfir á „grænum karli“ yfir Hringbraut.
Burtséð frá hættulegu athæfi þá sparaði maðurinn sér 15.000 kr. og fjóra punkta að auki að hafa ekki lent í klóm lögreglunnar.