Brotist inn í bílasprautun

Í hádeginu í gær var tilkynnt um innbrot í Bílasprautun Magga Jóns við Iðavelli. Þar hafði verið brotin rúða í hurð og hurðin síðan opnuð. Stolið var úr skrifstofu og afgreiðslu stafrænni myndavél af gerðinni HP, Nokia farsíma og kr. 30.000.- í peningum. Úr vinnusal var stolið Dell Dimension tölvu og skemmdir unnar á einum bíl sem þar var inni er reynt var að taka úr honum geislaspilara.

Eru þeir sem geta gefið  upplýsingar um málið beðnir um að snúa sér til lögreglu.