Brotist inn í bíla

Skemmdarvargar brutust inn í nokkra bíla um helgina og stálu ýmsu lauslegu úr þeim. Svo virðist sem bílarnir hafi flestir verið ólæstir.Tilkynning barst til lögreglunnar á laugardagsmorgun vegna innbrota í bíla við Bílasölu Reykjaness, við Nónvörðu og Heiðargarð. Nokkrar skemmdir höfðu verið unnar á bílunum. Geislaspilarar og bílskúrsfjarstýringar var meðal þess sem stolið var. Lögreglumenn leituðu að þýfinu í nágrenninu, þar sem bílarnir höfðu staðið og fundu allt sem saknað var.Lögreglan vill brýna fyrir fólki að læsa bílum sínum því tíðni innbrota eykst jafnan þegar dimma tekur.