Brotist inn í bíl í Grindavík

Brotist var inn í bifreið sem stóð við Olís að Hafnargötu í Grindavík þannig að töluverðar skemmdir urðu. Lögregla fékk tilkynningu um verknaðinn í gær en sökudólgarnir hafa verið á ferðinni eftir 4. janúar sl. Búið var að brjóta afturrúðu vinstra megin, stela geislaspilara og starttæki, tæma bensíntankinn og skemma læsingu. Bifreiðin er af gerðinni Mitsubishi Pajero.