Breytt fyrirkomulag á fæðingadeild HSS í sumar

Fæðingadeild Heilbrigðisstofnunar Suðurnesja verður opin í sumar en þó með breyttu sniði, sökum sumarleyfa lækna á deildinni.

Ljósmæður verða ávallt á vakt, en á tímabilinu 7. júlí til 7. ágúst verður frumbyrjum, þ.e. þeim konum sem eru að eignast sitt fyrsta barn beint á fæðingadeild Landspítala. Þeim er engu að síður velkomið að hafa samband við deildina til að láta meta hvort fæðing sé byrjuð og einnig að liggja sængurleguna á deildinni eftir að barnið er komið í heiminn.

Þjónusta við fjölbyrjur verður hins vegar óskert, þ.e. þær geta fætt í heimabyggð kjósi þær að gera svo.

Starfsfólk fæðingardeildar vonar að þetta fyrirkomulag leggist vel í konur og fjölskyldur þeirra miðað við aðstæður.