Breytingar í brottfararsal Leifsstöðvar

Langt er komið að þilja af gluggana til beggja enda í brottfararsal Flugstöðvar Leifs Eiríkssonar til að skapa iðnaðarmönnum rými til nauðsynlegra verka.

Meðfylgjandi mynd (tekin 31. janúar 2006) sýnir glöggt hvernig nú er um að litast á brottfararsvæðinu og fleiri sýnilegra breytinga er að vænta eftir því sem framkvæmdum miðar áfram.

Aðstandendur framkvæmdanna kappkosta hins vegar að þetta rask hafi sem minnst áhrif á umferð farþega í flugstöðinni og víst er að fólk sýnir því ríkan skilning að gera þurfi bráðabirgðaráðstafanir hér og þar til að lífið geti gengið sinn vanagang í stórum dráttum.


Texti og mynd af vef Flugstöðvar Leifs Eiríkssonar.