Breytingar á Samtakahópnum í Reykjanesbæ

Innan skamms mun Samtakahópurinn taka við verkefnum heilsueflandi samfélags sem eru m.a. Lífshlaupið, Hreyfivika UMFÍ, heilsu- og forvarnarvika, yfirferð á lýðheisluvísum embættis landlæknis og samskiptum við Rannsóknir- og greiningu. Þetta kemur fram í fundargerð Íþrótta- og tómstundaráðs Reykjanesbæjar frá 6. mars sl. Samtakahópurinn er þverfaglegur forvarnarhópur sem fundar á tveggja vikna fresti og vinnur að forvarnarmálum í Reykjanesbæ.