Brennur á gamlárskvöld
- Áramótabrennur í Vogum, Sandgerði, Garði og Grindavík
Áramótabrennur á gamlársdag á Suðurnesjum verða á eftirfarandi stöðum:
Í Grindavík hefst áramótabrenna á vegum Grindavíkurbæjar og Björgunarsveitarinnar Þorbjarnar klukkan 20:30 í Bót.
Í Sandgerði hefst áramótabrenna á vegum Sandgerðisbæjar og Björgunarsveitarinnar Sigurvonar klukkan 20:00, við Stafnesveg, sunnan íþróttasvæðis Reynis. Flugeldasýning hefst klukkan 20:30.
Í Garði hefst áramótabrenna á vegum Björgunarsveitarinnar Ægis klukkan 20:30. Brennan verður á gamla malarvellinum við Sandgerðisveg. Sveitarfélagið Garður býður upp á flugeldasýningu við brennuna klukkan 21:00.
Áramótabrenna á vegum Björgunarsveitarinnar Skyggnis í Vogum hefst klukkan 20:00 norðan megin við íþróttahúsið.
