Breki losnaði frá bryggju í Njarðvík

Um kl. 03:00 í nótt var tilkynnt um að Breki KE-61 væri að losna frá bryggju í Njarðvíkurhöfn. Vaktmaður um borð óskaði aðstoðar þar sem skipið hafði losnað upp að aftan. Eftir að búið var að hafa samband við skipstjóra og hann kominn um borð barst beiðni frá skipstjóra að fá lóðsbátinn úr Keflavík á vettvang þar sem illa gekk að koma skipinu að bryggju.
Í þann mund sem lóðsinn kom í Njarðvíkurhöfn tókst að leggja Breka KE upp að bryggju og festa hann.