Börnum í Sandgerði boðið vinnunámskeið og kofabyggð

Vinnuskóli Sandgerðisbæjar stendur fyrir vinnunámskeiði fyrir krakka fædda 1991. Námskeiðið hefst mánudaginn 5. júlí og stendur í tvær vikur, mánudaga til föstudaga kl. 8:30-12:00. Þátttakendur fá að prufa ýmis verkefni sem vinnuskólinn fæst við og auk þess verður m.a. farið í fjöruferð, sundlaugasprell og fleira. Þátttakendur verða á launum þá daga sem þeir eru við vinnu.

Kofabyggð í Sandgerði
Kofabyggð fer af stað fimmtudaginn 8. júlí. Vinnutíminn er mánudaga til fimmtudaga frá kl. 13:00-16:00. Opið er fyrir börn fædd 1992-1997. Lokadagur verður miðvikudaginn 28. júlí. Innritun fer fram í Íþróttamiðstöðinni og greiðist þátttökugjald, kr. 1.200,- við skráningu. Athygli er vakin á því að Kofabyggð er ekki hugsuð sem gæsla fyrir börnin. Leiðbeinendur eru þær Hjördís Hrund Reynisdóttir og Valgerður Guðbjörnsdóttir.