Börn kórfélaga skemmta

Kórkvöld Kórs Keflavíkurkirkju verður haldið í Kirkjulundi annað kvöld, þriðjudaginn 2. febrúar kl. 20:00 en að þessu sinni verða börn kórfélaga í sviðsljósinu en þar býr margt hæfileikaríkt fólk.

Fram koma: Sigríður og Sólborg Guðbrandsdætur, Davíð Sveinsson, Laufey Kristín Marinósdóttir, Þórdís Birna og Ester Borgarsdætur.

Kórkvöldin hafa mælst vel fyrir en þau eru liður í fjáröflun kórsins sem fer til Ítalíu í sumar.

Heitt verður á könnunni og eitthvað með því og miðaverð er einungis kr. 500.