Boeing MAX vélarnar fóru í loftið frá Keflavíkurflugvelli - myndskeið af flugtaki

Boeing 737 MAX vélar Icelandair fóru í loftið í morgun frá Keflavíkurflugvelli um kl. 9. Fyrsta vélin, Mývatns TF-ICN, tók þá á loft og er henni flogið til Lleida í Katalóníu á Spáni. Flugstjóri er Þórarinn Hjálmarsson en hann er alilnn upp í Keflavík.

Næsta vél sem fór var Búlandstindur TF-ICO sem einnig flaug til Spánar. Alls verður fimm MAX vélum flogið í betra loftslag fyrir veturinn.

Sigurður Magnússon tók meðfylgjandi myndir og myndskeið sem við fengum að birta hér á vf.is.

Skemmtilegar myndir Sigurðar frá Keflavíkurflugvelli í morgun, föstudag.