Boðað til fundar um hugsanlega sameiningu

Sameining Sorpeyðingarstöðvar Suðurnesja (SS) og Sorpu hefur verið til skoðunar. Sveitarfélögin á Suðurnesjum eru eigendur Sorpeyðingarstöðvar Suðurnesja. Þau hafa öll tekið til afgreiðslu erindi stjórnar SS um að taka afstöðu til sameiningarviðræðna SS og Sorpu samkvæmt því sem fram kemur í skýrslu Capacent og kynningu sem öll sveitarfélögin fengu.

 

Öll sveitarfélögin hafa samþykkt að boðað verði til sameiginlegs eigendafundar áður en formleg afstaða verði tekin til málsins. 

 

Málið var rætt á stjórnarfundi SS á dögunum þar sem samþykkt var að leggja til við sveitarfélögin að boðað verði til sameiginlegs eigendafundar fimmtudaginn 21. september nk.