Boða fulltrúa heitloftsþurrkana til fundar

Bæjarráð Sveitarfélagsins Garðs samþykkti samhljóða á síðasta fundi sínum að fela bæjarstjóra Garðs að boða fulltrúa þeirra fyrirtækja sem heitloftsþurrka fiskafurðir í sveitarfélaginu til fundar við bæjaryfirvöld.

Lyktarmengun í Garðinum hefur verið nokkuð til umræðu að undanförnu í Garði og á síðasta fundi bæjarráðs Garðs var farið yfir minnisblað bæjarstjóra frá fundi bæjarstjóra, formanns bæjarráðs og framkvæmdastjóra Heilbrigðiseftirlits Suðurnesja með íbúum sem hafa kvartað vegna fyrirtækja sem reka heitloftsþurrkun fiskafurða í sveitarfélaginu.