Björgunarsveitir í viðbragðsstöðu

Björgunarsveitir Slysavarnafélagsins Landsbjargar á Suðurnesjum voru settar á viðbragðsstöðu síðdegis í gær vegna óveðurs sem á að ná hámarki sínu nú á tímabilinu milli kl. 06-09.

Ekki var óskað eftir því að björgunarsveitarfólk stæði vaktina í björgunarstöðvum í nótt, heldur átti það að vera viðbúið því að vera kallað út, enda spáð 25 m/s vindi og mun hvassara í hviðum. Í svona veðurhæð getur ýmislegt fokið og þakjárn getur losnað.