Björgunarsveitin Suðurnes safnar bakvörðum í Reykjanesbæ

Fulltrúar á vegum Björgunarsveitarinnar Suðurnes og Slysavarnafélagsins Landsbjargar ganga nú í hús í Reykjanesbæ til að kynna Bakverði Landsbjargar og safna nýjum stuðningsmönnum í hópinn.

Bakverðirnir eru bakhjarlar félagsins og gegna lykilhlutverki í að tryggja það öfluga viðbragð og öryggi sem björgunarsveitirnar veita um allt land. Til þess að halda úti öflugu starfi er reglulegur stuðningur almennings ómetanlegur.

Öryggið í fyrirrúmi: Hver er að banka upp á?

Til að tryggja að íbúar geti verið fullkomlega öruggir og til að koma í veg fyrir að óprúttnir aðilar villi á sér heimildir í nafni sveitarinnar, er hægt að nálgast nöfn og ljósmyndir allra sölufulltrúa hér í þessum tengli.

Hvatning frá björgunarsveitinni:
„Það er von okkar að þú takir vel á móti þeim sem hafa tekið þetta verkefni að sér.“

Ef þú vilt tryggja að björgunarsveitirnar okkar séu alltaf tilbúnar þegar á reynir, er kjörið tækifæri til að gerast Bakvörður þegar bankað er upp á næstu daga.