Björgunarsveitarfólk að störfum

Björgunarsveitin Suðurnes hefur fengið vel á annan tug útkalla síðan fyrir hádegi vegna foks. Eitthvað er um að þakplötur hafi losnað, grindverk og lausamunir farið af stað.
Reiknað er með að vindur fari að ganga niður á þriðja tímanum. Mjög hvasst hefur verið á Keflavíkurflugvelli í morgun hafa hviðurnar verð að slá yfir 40 m/s . Þar fauk stór gámur af stað og mátti litlu mun að stjórtjón yrði. Þá fauk stór tengivagn á hliðina.
Þá hafa björgunarsveitarmenn í Grindavík einnig verið að störfum í morgun en þar hefur vindur farið vel yfir 30 m/s í hviðum.


Mynd: Björgunarsveitarfólk er að störfum í Reykjanesbæ þessa stundina við að festa ýmislegt sem farið hefur af stað í storminum. Þetta grindverk var við það að fjúka út I veður og vind á Faxabrautinni nú fyrir stundum. VF-mynd: elg.