Bjóða út rafkerfisbreytingar fyrir Landhelgisgæsluna á Ásbrú

Framkvæmdasýsla ríkisins hefur fyrir hönd Landhelgisgæslu Íslands óskað eftir tilboðum í framkvæmdir við breytingar á rafkerfum bygginga innan öryggissvæðis Keflavíkurflugvallar. Í þessum áfanga fellst verkið í að breyta raflögnum í tilgreindum byggingum, bílgeymslu og geymslum og laga þær að gildandi reglugerð um raforkuvirki

Skipta skal um rafbúnað, innlagnarefni, tengla, rofa, lampa, setja upp og tengja nýjar töflur og breyta lömpum. Sérhver bygging er um 900 m² að stærð með alls 16 misstórum íbúðum á tveimur hæðum. Geymslur eru alls um 300 m² að stærð á einni hæð. Byggingar þessar eru skammt suður af gömlu flugstöðinni.

Verkinu skal vera að fullu lokið eigi síðar en 10. febrúar 2012. Útboðsgögn eru hjá Ríkiskaupum, Borgartúni 7C, 105 Reykjavík.