Bjóða fólki að sprengja Hljómahöll um áramótin

Flugeldasala knattspyrnudeildar Keflavíkur verður nú fyrir áramótin eins og síðustu ár. Flugeldasalan er til húsa í gamla K-húsinu Hringbraut 108.

 

„Það er fullt hús af góðum vörum á fínu verði,“ segir Jón Benediktsson, formaður knattspyrnudeildar Keflavíkur við Víkurfréttir. Að þessu sinni eru nýjar tertur í boði en þær heita Ljósanótt og Hljómahöll.

 

Flugeldasalan er opin fimmtudag kl. 16-20 og föstudag og laugardag kl. 10-22. Þá er opið á sunnudag, gamlársdag, kl. 10-16.

 

Stuðningsmenn Keflavíkur eru hvattir til að kíkja við og skoða úrvalið enda er flugeldasalan mikilvægur hluti af fjáröflunarstarfi deildarinnar.