Bjartviðri og þurrt í dag, svalara í nótt

Klukkan 6 var norðaustlæg eða breytileg átt, víða 3-8 m/s. Sums staðar væta norðaustantil, skýjað norðvestanlands, annars bjartviðri að mestu. Hiti var 0 til 10 stig, svalast á Húsafelli.

Veðurhorfur á landinu til kl. 18 á morgun:
Norðlæg eða breytileg átt, víðast 3-8 m/s. Sums staðar dálítil væta norðaustan- og austanlands. Yfirleitt bjartviðri í öðrum landshlutum en stöku skúrir við suðurströndina. Hægviðri og bjart veður um nær allt land á morgun. Hiti 10 til 16 stig að deginum, en talsvert svalara í nótt.

Af vef Veðurstofu Íslands