Bjartviðri í dag

Það verða norðaustan 5-10 m/s og bjartviðri við Faxaflóann í dag, en 8-13 og skýjað síðdegis. Heldur hvassari í kvöld, en lægir smám saman í nótt. Austlæg átt, 3-8 á morgun og él. Frost 2 til 8 stig, kaldast í uppsveitum, en 0 til 5 stig á morgun.

Veðurhorfur á landinu næstu daga:

Á miðvikudag:
Vestan 8-13 m/s sunnanlands, en norðaustan 5-10 fyrir norðan. Víða éljagangur og frost 0 til 6 stig.

Á fimmtudag:
Vestlæg átt, 8-13 m/s og él, einkum sunnan- og vestanlands. Frost 2 til 7 stig.

Á föstudag og laugardag:
Norðaustanátt með éljum á norðanverðu landinu, en björtu syðra. Talsvert frost um land allt.

Á sunnudag:
Útlit fyrir hægviðri, bjart og áfram kalt veður.