Bjartviðri í dag, rigning á morgun

Veðurspáin gerir ráð fyrir hægri norðlægri átt við Faxaflóann í dag og léttskýjuðu að mestu, en snýst í vaxandi suðaustanátt og þykknar upp í kvöld, 8-15 m/s og rigning í nótt. Suðvestanátt og skúrir upp úr hádegi á morgun. Vægt frost, en hiti 0 til 6 stig í nótt og á morgun.

Veðurhorfur á landinu næstu daga:

Á sunnudag:
Vestlæg átt, 5-13 m/s og víða él, hvassast við suðurströndina. Vaxandi norðlæg átt með snjókomu um kvöldið, fyrst norðvestanlands. Frost yfirleitt á bilinu 0 til 6 stig.

Á mánudag:
Norðvestanátt, víða 8-15 m/s með éljagangi, en úrkomulítið á Suðausturlandi. Hiti breytist lítið.

Á þriðjudag:
Fremur hæg breytileg átt og úrkomulítið, en þykknar upp með sunnanátt vestantil seinnipartinn og fer að hlýna.

Á miðvikudag:
Suðvestanátt með rigningu, en lengst af þurrt norðaustanlands. Milt í veðri.

Á fimmtudag:
Suðvestlæg átt með úrkomu víða um land og kólnar heldur.