Bjart veður í dag - hvessir og fer að rigna í kvöld

Hæg austlæg átt og bjart veður í dag við Faxaflóa. Hvessir og fer að rigna í kvöld, suðaustan 15-20 m/s í fyrramálið, síðan talsvert hægari og skúrir. Hiti 0 til 10 stig.

Veðurhorfur á höfuðborgarsvæðinu
Austlæg gola og skýjað með köflum. Vaxandi suðaustanátt og rigning í kvöld, suðaustan 13-18 í nótt. Snýst í suðvestan 8-13 með skúrum á morgun. Hiti 1 til 10 stig.

Veðurhorfur á landinu næstu daga

Á laugardag: Suðaustanátt, víða 13-20 m/s og talsverð rigning um morguninn, en slydda í fyrstu NA-lands. Suðvestan 8-13 síðdegis, skúrir og hiti 6 til 12 stig.

Á sunnudag: Vestan 5-10 m/s og skúrir, en þurrt A-lands. Vaxandi norðvestanátt með snjókomu eða éljum á Vestfjörðum og N-landi síðdegis. Kólnandi veður.

Á mánudag og þriðjudag: Norðan- og norðvestanátt. Slydda eða snjókoma fyrir norðan, en úrkomuminna á þriðjudag. Þurrt og bjart veður syðra. Hiti 2 til 7 stig að deginum S-til, annars í kringum frostmark.

Á miðvikudag og fimmtudag: Útlit fyrir suðlæga átt, með vætusömu og mildu veðri.


Myndin: Haustsólin kemur upp yfir Reykjanesfjallgarðinum í morgun. Myndina tók Einar Guðberg.