Bjart og hlýtt í veðri, hiti 12-20 stig

 

Veðurspá gerir ráð fyrir austan- og norðaustanátt, víða 3-10 m/s og bjart veður, en þokuloft eða dálítil súld A-lands og við norðurströndina. Hiti 10 til 20 stig, hlýjast vestantil á landinu og í innsveitum á NA-landi. Skúrir S-lands á morgun og heldur kólnandi veður.

Faxaflói: Hægviðri eða hafgola og léttskýjað, en skýjað með köflum og skúrir á morgun. Hiti 12 til 20 stig.

Veðurhorfur á landinu næstu daga:

Á mánudag, þriðjudag og miðvikudag:

Norðaustlæg eða breytileg átt, 3-10 m/s. Skýjað með köflum og skúrir eða rigning öðru hverju sunnantil á landinu og einnig NA-lands, einkum við ströndina. Sums staðar þokubakkar við NA- og A-ströndina. Hiti 8 til 16 stig, hlýjast á SV-landi.

Á fimmtudag og föstudag:

Hæg breytileg eða austlæg átt, dálítil væta af og til, en þurrt og bjart að mestu norðvestantil. Hiti breytist lítið.