„Bindisbolur“ Guðmundar vekur athygli

Guðmundur Stefán Gunnarsson frambjóðandi Framsóknar í Reykjanesbæ hefur verið töluvert á milli tannana á fólki að undanförnu. Ástæðan er klæðnaður Guðmundar en hann klæðist stuttermabol á opinberum myndum frá flokknum. Guðmundur klæðist bolnum, sem er með mynd af bindi framan á, m.a. á stórri mynd í glugganum á Framsóknarhúsinu við Hafnargötu.

Netverjar hafa talsverðar skoðanir á klæðnaði Guðmundar og telja margir að klæðnaður sem þessi sé ekki boðlegur manni sem sækist eftir sæti í bæjarstjórn hjá bæjarfélaginu en Guðmundur skipar 5. sæti Framsóknar í komandi bæjarstjórnarkosningum. Umræðan hefur að mestu farið fram á Twitter en þar er fólk af yngri kynslóðinni aðallega að tjá sig um málið. Hér að neðan má sjá uppfærslur frá nokkrum á Twitter sem virðast hafa skoðun á „bindisbolnum.“

Skiptar skoðanir eru á bolnum og hvort ímynd og klæðnaður skipti meiru máli en skoðanir og málefni. Guðmundur hefur sjálfsagt ýmislegt fram að færa en hér má lesa grein eftir íþróttakennarann sem Víkurfréttir völdu mann ársins árið 2011. Hvort Guðmundur hafi hugsað sér að vekja athygli á framboði sínu með þessum hætti skal ósagt látið en ljóst er að þarna fer maður sem hugsar út fyrir kassann.

@sindrijohanns ég treysti bara mönnum í bolum með mynd af bindi #enginnsegir #framsokn

— Ásgeir Elvar (@AsgeirElvar) May 5, 2014

@eyrunlif á þessu stigi kosninga er þetta yfirleitt bara spurning um ímynd og hvernig þú kemur fram, bindisbolur er ekki metnaðarfull byrjun

— Ólafur Ingvi Hansson (@olafuringvi) May 6, 2014

Loksins þegar ungt fólk fer að blanda sér i politik i Rey.bæ flokkar það aðra frambjoðendur eftir klæðaburði i stað hæfni...😓 #björtframtið

— Solborg (@solborg96) May 6, 2014

held það sé orðið nokkuð ljóst að það er ekkert samasem merki milli þess að vera í jakkafötum og kunna að reka bæjarfélag. #súyfirborðskennd

— Ernalind Teitsdóttir (@elteitsdottir) May 6, 2014